Сè за myGov
Научете што е myGov, како може да ви користи, некои од услугите што ги нуди и како вашите информации се чуваат безбедни.
Што е myGov?
myGov ви овозможува начин да ги организирате безбедно сите електронски владини услуги и сметки со едно име за најавување и една лозинка. Исто така, вклучува Дојдовно сандаче (Inbox) каде примате важни пораки од владини услуги.
Од безбедносни причини ќе добиете е-порака или текстуална порака што ве известува дека во вашето Дојдовно сандаче на myGov (myGov Inbox) имате ново известување. За да ја проверите новата порака, треба да се најавите безбедно на сметката на myGov и да го прочитате известувањето таму.
За да создадете сметка на myGov ќе ви треба:
- една активна адреса на е-пошта (active email address)
- се препорачува еден мобилен телефон со активна сметка и број (mobile phone with an active mobile phone account and number). Ова ќе ѝ овозможи на myGov да ви праќа безбедносни кодови преку текстуални пораки за да провери дали навистина вие се обидувате да се најавите.
Штом ќе ја поставите сметката, можете да се најавите и да поврзете услуги како што се Centrelink, Medicare, My Health Record, ATO и многу други. За да го направите ова:
- посетете ја https://my.gov.au
- најавете се на вашата сметка на myGov со адресата на е-пошта и лозинката.
Придобивки од myGov
Платформата myGov може да ви помогне на неколку начини:
- Заштедете време! Повеќе не мора да пополнувате документи или да чекате во редици во канцеларии
- Завршувајте ги работите безбедно со лозинка и специјален код
- Разгледајте ги безбедно приватните информации и личните детали и заштитете ги одјавувајќи се безбедно.
- Контролирајте ги личните податоци наместо да се потпирате на владини службеници
- Чувајте известувања и потсетници безбедно на едно место во вашето Дојдовно сандаче на myGov (myGov Inbox)
Како ви помага myGov
Откако ќе поврзете владина услуга на вашата сметка на myGov, можете да ја користите таа услуга и да завршувате работи. На пример:
1. На Centrelink
- Користете го вашиот Референтен број на клиент (Customer Reference Number) или (CRN)
- Проверете го статусот на барањето за пензија
- Управувајте со плаќањата за пензија.
2. Во Австралиската даночна управа (Australian Tax Office - ATO)
- Добивајте даночни известувања во вашето Дојдовно сандаче на myGov (myGov Inbox)
- Добивајте потсетници за секакви доспеани плаќања или надоместоци
- Поднесете ја лесно вашата даночна пријава и автоматизирајте задачи како што е барање за даночни надоместоци за пензионер или ветеран.
3. На Мојот здравствен картон (My Health Record)
- Погледнете патолошки извештаи и здравствени информации
- Управувајте со Планот за идна нега (Advanced Care Plan) (ако имате)
- Назначете Застапници (Representatives) (вообичаено семејни членови) на кои им е дозволено да имаат пристап до вашата здравствена евиденција.
4. На Medicare
- Поднесувајте и обработувајте барања преку интернет наместо да чекате во редици во канцеларии
- Проверувајте кои лекови се покриени од Medicare
- Погледнете ја евиденцијата за вакцинација (vaccination record) и статусот.